افــتــخــــر فـــانت مــن افــريقـــيــــا .... !!
الثلاثاء، 24 ديسمبر 2013
مول فران مسموم
واحد الطلاب مشى عند واحد مول فران مسموم قال ليه: خويا، سيمانة هادي ما دقت الخبز
قال ليه مول الفران المسموم: راه مداقو هو هو، ما تبدلش
قال ليه مول الفران المسموم: راه مداقو هو هو، ما تبدلش
مسألة تربية
واحد الراجل شارف مشى عند ولدو وقال ليه: شوف ولادك تبارك الله ما يكميو، ما يديروا معصية، وديما يصليو ف الجامع، ونتا عاطيها للڭارو وعمرك ما صليتي ف الجامع وكدير المنكر. ما حشمتيش؟
قال ليه ولدو: هادو ولادي أنا، وأنا اللي مربيهم. وأنا؟ شكون مربيني؟
الزقرام والليمون الخامج
هادا واحد الزقرام حط الليمون ياكلو.
حل الأولى، لقاها خامجة ولاحها.
حل التانية، لقاها خامجة ولاحها.
وهو يطفي الضو وحل التالتة دغية وسرطها بلا ما يشوف فيها
طبيب العينين وخطيبتو
هادا طبيب ديال العينين جالس مع خطيبتو ف الجردة.
هز وردة وقال ليها: شايفة هاد الوردة؟
قالت ليه حشمانة: اه.
وهو يرجع إيديه شوية اللور، وقال ليها: ودابا؟
المرا الخايفة من الشفار
هادي واحد المرا خوافة، كل ليلة كتفيق راجلها وكتقول ليه: ناري سمعت شي حس، راه كاين شفار ف الدار.
كل ليلة على هاد الحال، وراجلها عيا.
واحد النهار قال ليها: يا لالة راه الشفار إيلا بغى يشفر، ڭاع ما كيدير الحس.
الغد ليه ف الليل، فيقاتو المرا وقالت ليه: ناري ما سامعة حتى حس ف الدار!
